Նպատակն ու Առաքելութիւնը
Մանկամսուրի նպատակն է մանկական խաղերու միջոցով քաջալերել երեխաները, որ մշակեն իրենց իմացական, հոգեկան եւ ստեղծագործական կարողութիւնները՝ մանկամսուրի ապահով եւ հարստացնող մթնոլորտին մէջ։
Նաեւ
- Զարգացնել երեխային ֆիզիքական կարողութիւնները խաղերու միջոցով,
- Մշակել եւ զարգացնել երեխային հայերէն եւ ֆրանսերէն լեզուներու բառապաշարն ու խօսակցութիւնը։
- Մշակել եւ զարգացնել երեխային ինքնավստահութիւնը եւ ընկերային փոխյարաբերութիւնները՝ իր ընկերներու եւ շրջապատին հետ յաղորդակցութեամբ,
- Յարգել իւրաքանչիւր երեխայի աճման կշռոյթը եւ անհատական կարիքները։
Մանկամսուրի առօրեան կը քաջալերէ, որ երեխաները նուազ ինքնակեդրոն դառնան տիրող ջերմ մթնոլորտին մէջ անոնք աստիճանաբար կ'անդրադառնան, որ իրենցմէ իւրաքանչիւրը կարեւոր անդամն է քաջալերող եւ օգնող խումբի մը։
«Արամ եւ Պերճուհի Մարգարեան Մանկամսուր»ը լաւագոյն ձեւով կը գոհացնէ աշխատող ծնողներուն կարիքները եւ իր յայտագիրներն ու հաճելի մթնոլորտը կ'օգնեն երեխային հեզասահ անցումին դէպի ծաղկոց։